Jowai: Ka thma hapyrdi ka Sorkar Jylla wa kiwa pyrchah luti rel daw wanrah ko yei pynthut ha ka imlang sahlang. Hajrong ini ka Jaiñtia Students Movement (JSM) Seiñbei sñiawkhia ko hadooh kattæ kattæ neibhah neiliang ka sorkar hadooh katni leh ympu ye ko u e ya ka rai kawa skem wa i wan ka rel hapoh ka jylla u man ko kawa myntoi ya ki tre ri, kawa pynchngaiñ namo ka wymye u pynchngaiñ ya ki tre ri neibhah khlem em ka luti rel leh, ki baarjylla kat dang lai ki sngi dang boon ki kiwa da leh tre hapoh ka jylla.
Ka seiñ JSM leh da beiñ joor ko yei kem khlem pood ka sorkar jylla ya ki dkhot ka KSU. I kem ka Sorkar ya ki dkhot ka KSU toh ka wym em yurim wei toh du i pynyoo bor ka sorkar wei lada ka sorkar toh kawa stat toh u pyrkhat ko wa neiyi i daw wa ka KSU pyrchah ko, neibhah i pyrchah ymtoh iwa khlem em yurim.
Lada ka sorkar ye ko u wanrah ya ka luti rel ileh won ym ye ko u pynkrehkaam won ya ka Entry wa Exit Point neibynta ki baarjylla. Ini pynoo che wa ka sorkar ym ap ko yei sur ki paidbah, wei kwah ko do u pynthut ya ka imlang sahlang.
Ka JSM ka kyrpaad ko ya ka sorkar jylla wow pyllait noh syndon ya ki dkhot ka JSU wa chah kem wei wow sangeh chwa u chna ya ka luti rel wei wow pynkrehkaam chwa ya ki aiñ wow yada ya ki khian paaid.
Kani toh katkam ka khubor na u Leningstar Rymbai President JSM Seiñbei.
Discussion about this post