Kyrchaan sa ka JSU-1 ya ka KSU hei yatoh wa ka luti rel

Jowai: Ka Jaiñtia Students’ Union-1 (JSU-1) Central Body, da pynsñiaw ko yei kyrchaan ya ka KSU wow pyrchah chna luti rel ha Ronghona Ri-bhoi District.

Ka seiñ dap ko dei sñiawkhia iwa joor deiwa ong wa hadooh katni ympu em ki aiñ wow pait yei psiah i mih ki baar ylla cha Meghalaya.

Ka Sorkar leh hadooh katni ympu em pynkrehkaam ko ya ki buit wa da e ki seiñbhalang nadooh u snem 2014 wow booh ya ki Entry wa Exit Point kamjooh wow pynkrehkaam ya ka District Task Force Committee hadooh kini ki sngi.

Ka JSU-1 Seiñbei da dawa ko naka sorkar jylla wow leh chwa ya ki kyndon katkam wa da dep ya klam wa ki seiñbhalang wow sonteri yei psiah tooh ki baar jylla deiwa booh ya ki Entry wa Exit point chwa wow lai cha khmat wow chna ya ka luti rel.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

I pyrchah yei wan ka luti rel u pteiñ i kat wym pu biang ki Entry wa Exit Point wow yada ya ka khyndaw chyiap yong i, neibhah i toh kiwa khian paid chwa, lada elaad iyi wow jia ya mynried ka mankawi kam ki tre khyndaw tre chyiap da ong u E.C. Dkhar President JSU-1 Seiñbei.