Ka seiñ Meghalaya People United Front (MPUF) East Jaiñtia hapoh i yahkhmat u President, u Kyrshan Blah ryngkat i emlang u Secretary, u Kmenlang Siangshai wa u Vice President ka seiñ na Sanchnong Unit, u Sciencetis Sana da kyrchaan pura ko ya ka KSU East Jaiñtia Hills District Unit, hajrong u sarokbah u NH-6 ha East Jaiñtia, kamwa ka seiñ KSU EJHDU da pynbna ko ya i yakhih wow man ha ka 25 tarik ha Khliehriat.
U Kyrshan Blah da ong u wa ka seiñ da rai ko wow kyrchaan pura yeini i yakhih heiwa uni u sarokbah da man uwa sih nadooh na Soomer chadooh cha Rattachera iwa da pynthut yei lai i wan ki paidbah khamtam kiwa em ha i chitom.
Da kyntu u leh ya u MLA ka 6-Khliehriat, u Kyrmen Shylla uwa man u Montri ha ka sorkar MDA-II wow chimkhia ya ini i kaam.
Neiliang u Sciencetis Sana da ong u wa sñiaw emkaam wow kyrchaan ya ka KSU East Jaiñtia wa da chimkhia ya ini i kaam wei da kyntu u ya ki paidbah wow embynta lang ha ini i yakhih.
Discussion about this post