Ki le tylli ki seiñbhalang kiwa kynthup ya ka Jaiñtia Students Movement (JSM), Hynniewtrep Youth Council Jaiñtia Hills District (HYC-JHD), Meghalaya People’s United Front (MPUF) da dap ki dei sñiawkhia wa joor hajrong i duna ki khih i kreh hapoh ka jylla wei khamtam hapoh Ri-loom Jaiñtia.
Da ong ki wa hawa kyruiñ cha ki karkhana hapoh ka jylla heiwa boon toh ki yong ki baar jylla khamtam hapoh Ri-loom Jaiñtia wei da phylla ki wa ki karkhana pynmih khyndaw-bilat da thied ki ya ki Truck wow knieh ya i kamai ki tre ri, tre jylla.
Chooh chooh da kylli wa kammon u im ki tre jylla kiwa em Truck khamtam kiwa kamai Truck neibhah ini i thied Truck ym burom de ko wot ya ka bhah kreh kawa da soi heiwa u e kreh 60 la 40 Percent ya ji tre jylla wa kiwa na baar.
Hajrong kini kiyi kiyi ki le seiñ da rai ki wow e i kyrchaan wa pura ya ka Jaiñtia Hills Truck Owners Association (JHTOA) heiwa da dawa ki leh na ki karkhana wow burom ya ki tre jylla wow pynkrehkaam noh yeiwa dawa ka JHTOA.
