Kyrchaan u Biden ya ka Kamala Harris kawa em thied na India yow yaleh Election President ka USA

U President wa katni ka USA, u Joe Biden da pyntip u wow randien noh u wei ym yaleh de ya ka Election kawa daw pynman ha uni u snem hadien wa da dep jied ya oo kam u kyrtong ka Democrat Party.

Neiliang u Biden da e u kyrchaan ya ka Kamala Harris kawa man kam ka Vice President wa katni wow man kam ka kyrtong wow yaleh pyrchah ya u Donald Trump uwa man kam u kyrtong ka Republican Party.

Ini ym mut i wa daw yoh ka Kamala wow yieñ yaleh Election neibhah ka Democrat Party daw hap jied ki ya ka tangwa i por da tbian bha i ya ki wow jied kyrtong da kiwi tangwa u Donald Trump won da ong u wa suk bha u pynrem ya ka Kamala bar ya u u Biden.

Hadooh katwon u yoh ka Kamala yei kyrchaan na ki Democrat dang eh bha u ong tangwa lada chah jied ko daw man ko kam ka bru kawa nyngkong kawa em thied na India wow yaleh yow man President ka USA.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U pa ka Kamala toh u Donald Harris katwa ka bei ko toh ka Shymala Gopalan kawa na Chennai kawa kreh kam ka Cancer Researcher wa kawa kreh monsñiawbha yow yaleh yei hok manbru.

Ya ka Kamala da kha ha Oakland, California tangwa ka bei ko wa u pa ko da yalait noh ki heipor wa dang 5 snem ko wei da ri yaka da ka bei yong ka kawa man kam ka Hindu tangwa da heh ko kam ka jaitbru doh yong deiwa jied leh yaka dustur riti ki doh yong.

Haka kot wa thoh ko chaphang yong ka hi, da ong ko wa ka bei ko nadooh wa sdang sñiawthooh ko wa ri ko ya arngut ki khon kynthai doh yong heiwa ka bei ko leh da jied ko wow im kam ka doh yong neibhah sñiawthooh ko wa ha ri America ya ki khon yong ka daw kheiñ yaki kam ki doh yong.

Ka Kamala leh toh kawa nyngkong ha kiwa boon ki jait kaam, jooh man ko kam ka County District Attorney, ka District Attorney ka San Francisco kawa nyngkong dooh ka kynthai wa man kam ka African-America kamjooh kawa em symbe na India wow ksoh ya kini ki kyrdan. Da man ko leh kawa nyngkong kawa chah jied kam kawa mihkhmat paidbah ya ka California cha ka United States Senate deiwa man kam ka doh yong deilang ka Indian-American.

Ya ka High School da pyndep ko na Canada heipor wa ka bei ko hikai ko haka McGill University, Montreal.

Ya ka College da pyndep ko ha USA naka Howard University, hadien ini da pyndep ko yaka Law Degree na University of California.

Ka Kamala da bia ko ya u Douglas Emhoff uwa man kam u Lawyer wei da man ko leh kam ka beinah ya ki arngut ki khon kynthai yong oo heiwa da pyntip ko wa da khut ki khon u ya ka kam ka Momala.