Ka JSU ynne ka sngi hapoh i yahkhmat u Assistant General Secretary u Neilkee R Mukhim wa u Secretary ka Nartiang Circle u Successfull Sumer ryngkat wa ki dkhot ka seiñ da lai yachem ki ya ka District School Education Officer, Jowai neibynta wow thooh yutip hajrong ka bai skur ki khynnah.
Ha ini i yachem, neiliang ka District School Education Officer da ong ko wa neiliang ka sorkar jylla ym tip ko hajrong i maap mar chiteiñ ya ka bai skur ki khynnah.
Ka JSU da yaklam ko leh neibynta ki skur wa em kiwa sikai Adhoc wa kiwa sikai Deficit wow maap ya ka bai skur.
Heijooh i por da kyrpaad ko ya ka sorkar jylla khamtam ya u montri ka chnat puræ puthi, u Lahkmen Rymbui wow ap yei ood ki manbei manpa kiwa duna i yoh i la khnang wow pyntikna wa ki khynnah ym pep skur ki chiteiñ por.
Nadooh wa wan ka la-ær wa ar ka khlam COVID-19, da em i khang sbak kamwa ar bnai tam kattu heiwa ki bru da chem chitom ki wow su ya ka bai skur wei ka seiñ da ngait skem ko wa ka sorkar daw chimkhia ko ya ini.
