Kyrmen ka MPUF-EJHD wow yoh da ka Ambulance na u Montri Sorkar

Khliehriat: Ka seiñ MPUF-EJHD (Meghalaya People’s United Front-East Jaintia District) hapoh i yahkhmat u President yong ka u Michal Chyrmang ka seiñ haka 7 tarik uni u bnai da lai yachem ko ya u Kyrmen Shylla uwa man u MLA ka thaaiñ wa man leh u montri ka chnat Revenue & Disasters Management, Social Welfare wa kiwi kiwi.

Ka seiñ da pynkynmoo ko ha u montri wa ha ka 6 Naichiphaw 2017 heiwa ha kani ka sngi katwa ympu em man u kam u MLA, da ong ya ka seiñ wa daw pait lada ki paidbah u elaad ki ya oo kam u MLA ka thaaiñ 6-Khliehriat Constituency da kular wow e d ka Ambulance hapoh ka East Jaiñtia.

Ka seiñ da ong ko wa hawa em i kjut i chitom haap book ki da ka kari samen wei man i iwa eh lada man ki ki bru wa dooh hawa haap kit ya kiwa kjut cha thaw sumaar.

Chooh chooh da ong ko wa em ki kari Ambulance ha ki chnong tangwa ympu man i iwa biang, katwa kamtæ ka seiñ kyrmen ko wa u montri u e u ya ka kawi ka Ambulance khnang wow ye ko u e chakri cha ki paidbah da iwa pura.