Kyrpaad ka DWKRJ wow kyntait ya kiwa paan ST Certificate deiwa chim kur na ka Men

Ynne ka sngi, ka Dorbar ki Waheh Kur Ri Jaiñtia (DWKRJ) da lai yachem ko ya u DC ka West Jaiñtia Hills, u BS Sohliya heiwa da e dorkhat ko leh heiyatoh wa i rukom e ya ka Scheduled Tribe Certificate cha ki paidbah.

Ha ka dorkhat da ong ko wa ka Dorbar ki Waheh Kur da chim ko ya ka rai ha ka 8 tarik u Naiynru uni u snem heiyatoh wa i e ya ki Scheduled Tribe Certificate ya ki “Jaiñtia/Pnar” deiwa emkaam u yoh chwa ya ka Certificate wa soi da u Waheh Kur ka wow tip kam ka Clan Certificate.

Ka dorbar da ong ko wa i e ya ki Scheduled Tribe Certificate ya ki “Jaiñtia/Pnar” toh u e du ya kiwa chim dei kur ka Bei ki.

Da ong leh wa i yoh Scheduled Tribe Certificate ye i wow em kiwa pynemkaam bakla da ki bru samen iwa man leh pyrchah ya ka riti synchaar ka ri neibhah wa ka Supreme Court ka India ha ka mukotduma u Anjan Kumar da ong ko wa i yoh ST Certificate da kiwa leh thok man ko pyrchah ya ka aiñ.

Related posts

Da chem ya uwi u khynnah ha Wahiajer

December 26, 2024

Deiwa ong Jai Shri Ram wei rwai da i sur Hindu leh uwi hapoh ka yungmane wa em ha Mawlynnong

December 26, 2024

Kamtæ ka dorbar da kyrpaad ko wow kyntait ya waroh kiwa pyndap wow yoh ya kani ka Certificate kiwa chim da i kur ka Men (Bei u Pa) neibhah wa man i pyrchah ya ka rukom wa i dustur im ki jaitbru yong i (Jaiñtia/Pnar).

Chooh chooh da ong wa da thoh cha u Chief Executive Member ka Jaiñtia Hills Autonomous District Council wow pynmih hukum heiyatoh wa ini. 

Hadien i yachem wa u DC, neiliang u Pyrkhat Shylla uwa man kam u Vice President da ong u wa i yachem hi wa u DC toh wow pynbor wow chimkhia hawa e ya ka ST Certificate khamtam ya ki khon ki bru wa chongkha khlæh wei wow pyndooh pyndam noh ya i kynrum kynram wa em hei rukom e ST Certificate.

Da ong u leh wa emkaam wow chim ya ka NOC na ki Waheh Kur yow lait u em kiwa chim kabu wa ki kynrum kynram.

Neiliang u President, u K.L. Pariat da ong u wa iwa eh toh ha East wa West Jaiñtia Hills ki DC da e ST Certificate ki khlem da tipmit kiwon ki kur wa em ha Ri-loom Jaiñtia wei ka JHADC katni lem ym pu em pynbna ko kiwon ki kur wa da tipmit wei lada em kiwa tipmit ko leh ym phah ko cha ka yung krehkaam ki DC.

Kamtæ da ong u lada ka JHADC leh ko yei kaam ko wow pynbna daw lait nei eh i maa.