Ki heh ka Jaiñtia Hills Truck Owner Association (JHTOA), da e dorkhat ko ha u Montri Rangbah ka jylla heiwa da khana ko wa i khang yei tih mooyong da ktah bha i ya ki manyung yong kiwa kamai Truck na Ri-loom Jaiñtia.
Da ong wa ka NGT da phah ko wow sylli yei em u mooyong wa dadep tih ha kylleiñ ki District ka jylla wei da chem wa em hadooh 32 lak Metric Tonne uni u moo wa dadep tih wei da phah wow dai lilam noh ya uni u moo hapoh i pait ka Coal India Limited tangwa i kaam dang man iwa sahteiñ.
Ka seiñ da ong ko wa ki paidbah da kyrmen bha ki wow lilam noh ya uni u moo wa dadep tih ha ki sngi wow wan khnang wow myntoi ki paidbah ka jylla.
Chooh chooh da ong ko wa i slem wow lilam ya u mooyong daw ktah i ya ki hajar ngut kiwa yah Truck kiwa im-ja nei kit mooyong katwa kamtæ da emkaam wow lilaam noh ya u moo.
Hajrong ini waroh ka seiñ da kyntu ko ya ka sorkar wow wyrai ya ki tre wa kiwa yah truck wow lilaam noh ya u 32 lak Metric Tonne u moo khang wow pynsuk ya kiwa khih mylla waroh kawi ka jylla.
