Ka Jaiñtia Students Movement-Shangpung Unit hadien wa da yoh ujor ko na kiwa chong chnong ka Dong Thohlakumah Shangpung wa hajan ka PWD Office Shangpung wa em uwi u chrot bordiñ uwa da jan oor wa da baam ka sarang oo kattu la chisnem, wot hadien ki para marjan da ujor ki cha ki wakreh tangwa ym em wa pait ya uni u chrot bordiñ.
Hadien ini, neiliang ka seiñ hei yahkhmat u President ka JSM-Shangpung Unit waki dkhot da lai pait ki wei chem ki wa uni u chrot da jan kheiñ u neidaw wa baam i sarang neibynta wa na tre.
Kamtæ neiliang ka seiñ da kyntu ko yaka MeECL wow kylliang noh da uwi nebhah booh u hei maa ya ki bru wa chong marjan utai u chrot khamtam heini i por slap wei joor ka lær, wei lada jia iwon iwon ka MeECL wow kitkhlieh yeini .
Neiliang ka seiñ da ong ko wa lada ka MeECL ym lai pait næ leh ko iyi iyi hapoh kini ki ar sngi, neiliang ka seiñ daw ujor ko wat cha kiwa ha khlieh ka chnat ka MeECL lane cha u MLA ka thaaiñ, ong u President ka JSM-Shangpung Unit u Byntami Sajem.
Discussion about this post