Shillong: Ka Jaiñtia Students’ Union -1 ynne ka sngi hapoh i yahkhmat u President ka seiñ u E.C. Dkhar deilang wa u General Secretary u Lucky Phawa wa ki dkhot da lai booh ki ya ka dorkhat ki ha ka Montri i chait i khiah ka jylla ka Roshan Warjri wow kyrpaad wow booh daka Sub-Centre ha ka chnong Lapangap.
Ka seiñ da pynkynmoo ko ya i eh i khoo wa kani ka chnong maad ko khamtam ki sarok heipor wa slap iwa da wanrah yei chitom hawa lai thooh dawai ki wei kini ki sarok ym hoi hi de wat tang wow lai ki kari.
“Ha kini ki bnai wa da dep ki paidbah kiwa mut u lai thooh dawai duk ki u liwan biang cha yung neidaw wa sih ware u sarok” da ong ka seiñ.
Kamtæ ka seiñ da kyrpaad joor ko ya ka Warjri wow chimkhia wei wow booh da ka Sub-Centre ha kani ka chnong khnang wa ki paidbah u suk ki hawa lai thooh dawai.
Da kyrpaad joor ko leh yaka Sorkar u Dr. Mukul Sangma wa ka Health Department wow chimkhia yeini.
Heijooh i por da lai yachem ko ya u Director DHS (MI) u Dr. Budnah wow leh yeiwa emkaam hei yatoh wa ini.
Kani toh katkam ka khubor na u Deibormi Siangbood Asst. Secretary JSU-1.
Discussion about this post