Jowai: Ka seiñ JSU nadooh ka chnat yong ka wa em cha War wa na Jowai ha kini ki sngi wa da dep da yachem ki wa ki sahep ka MeECL wow kyrpaad ya ki wow pynbiang ya ka bordiñ kamjooh wow kyrriah ya i por pyndooh bordiñ namo ka Load Shedding hapoh ri-loom Jaiñtia.
Neiliang u President ka JSU Jowai Circle u Neal Jordan Rymbai da ong u wa kyrpaad ki ya u montri ka chnat bordiñ u James Sangma wow chimkhia ya kani ka kaam neidaw wa i pyndooh bordiñ iwa katni nadooh 9 waje i miet hadooh 12 waje pyrdi synyaw da ktah ko ya ki khynnah skur kiwa dang pynkhreh Exam wei kamjooh pynsepai ko ya i por yong ki bru kiwa kreh wa pyndep ya ki kaam wa sah heimiet, kamjooh kiwa pynkhreh kaam dei miet.
Kamtæ ka seiñ sñiaw ko wa ki kynta pyndooh bordiñ kiwa katni ktah lut ko ya waroh kamtæ emkaam wow kyrriah noh cha kiwi tawon ki por.
Discussion about this post