Neidaw wa sih cha palat u sarok nadooh Huroi, Lahaleiñ, Lejri ter ter chadooh Sonapyrdi. Neiliang ka Khasi Students’ Union (KSU) Huroi Unit, ynne ka sngi ka da phah ko ya ka kyrwoh cha ka sorkar jylla wa cha kawa mihkhmat yong ka ka 5-Sutnga Saipung Constituency ka Santa Mary Shylla wow e yarap ko cha kini ki chnong kiwa em ha khappood wa ka Bangladesh, neibhah wa kini ki chnong da em ki katni hapyrdi i eh wa khroo, hawa yatoh wa i kit ya ki marbaam mardih, ka lai ka wan wei khamtam ha i kjut i chitom neidaw wa pynkreh ya u sarok wa thymme ya u sarok katni.
Ka seiñ da ong ko wa ki paidbah yong kini ki chnong da im ki hei chitom wa hadooh kattæ kattæ neidaw wa sih uni u sarok uwa da sah ktieh chadooh wa palat, wot tang u lai yaaw lai haat, lai chim dawai ki paidbah da man ko kawa jynjar hadooh kattæ kattæ.
Kamtæ neiliang yong ka seiñ lyngba ka kyrwoh na u President, u Wallam Lamin Gadew da kyrpaad joor ya ka sorkar wa ya ki bor wa toh u pait wow leh ki iyi iyi samt wow pynlait ya ini i eh yong u paidbah kani ka thaaiñ.
Da ong u leh wa ka sorkar toh u phah ko da ki pooh chiloom wow tong wei pynkhooid ya kitai ki ktieh kiwa da man i eh wot ya ki kari wa lai ha katai ka sarok.
