Ynnin ka 4 tarik, ka KSU Laskeiñ Circle da yoh ko wow yachem wa u BDO ka Laskeiñ Block, West Jaiñtia Hills wow kyrpaad yaka sorkar wow e i kyrchaan yaki warep kiwa chah tympra hadooh kattæ kattæ ki hali ki lyngkha ha i bor rymaw ha kini ki sngi wa joor u slap iwa da jan waroh ki lyngkha ki warep chah pynsih ki.
Ka seiñ da ong ko wa kiwa da dep thung katni da hap thung biang ki arsien, em won ki lyngkha kiwa ym hoi de wow thung leh neibhah wa da joor palat i chah pynsih.
Chooh chooh ka seiñ da ong ko wa hawa lai pait yaki kattu katni ki lyngkha kiwa chah pynsih da man sakhiat kiwa da pynkthang ya ki warep khamtam katni wa da dær i por wow thung biang.
Ka seiñ da ong ko leh wa sa iwi leh wa kam ha kini ki por ka Lockdown neidaw u COVID-19 i kamai kajih ym em de ya ki warep wa pli wow psa wow pyndap pynbiang yaka yung ka sem, kamtæ neiliang ka seiñ da kyrpaad joor ko ya i bor sorkar wow pyrkhat lang ya ki warep wapli kiwa chem chitom ha kam ini i por.
Ka kyrwoh wa phah da u President ka KSU Laskeiñ Circle u Balawan Suchiang.
