Kyrpaad ka LJP wow pyndam ya ka ram wa dang sah yong ki warep

Shillong: Ka seiñ saiñ hima kawa tip kam ka Lok Janshakti Party (LJP) ynne ka sngi lyngba u President Farmer Cell, LJP u Denis Tynsiar da phah ko ya ka dorkhat cha u montri ka tnat ka rep i riang uwa man leh u Montri Rangbah ka jylla.

Ha kani ka dorkhat da kyrpaad ko wow pyndam ya ka ram wa dang sah wa da chim da ki wa rep hapoh ka jylla.

U Tynsiar da ong u wa hadien wa lai u cha ki chnong ka East Khasi Hills, West Khasi Hills, South West Khasi Hills, Ri-Bhoi wa Jaiñtia Hills wei wow yaklam wa ki warep da kam ki wa ym ye de ki u su pyndep ya ka ram wa chim ki na ka sorkar.

Kamtæ da kyrpaad u ya ka sorkar wow pyndam noh ya ka ram wa dang sah wa da chim ki hapoh ka Kisan Credit Card wa kiwi.