Kyrpaad ka manbei ya ka khon kawa da yut la jan dap ar bnai wow liwan yung

Kawi ka manbei da pyntip ko wa nadooh ka 3 tarik u Naiynru uni u snem, ka khon ko kawa tip kam ka Shanma-I Lyngdoh kawa chong chnong ha Mowkaiaw, West Jaiñtia Hills da mih ko na yung dang step khlem da klam ya kiwon kiwon wei ym tip cheiwon em ko katni.

Hawa Phone cha ka leh da Block ko ya u Number ka bei ko, kamtæ neiliang ka bei da kyrpaad ko ya kiwon kiwon ki thaw næ ki yung wa sah wai ko wa ki tre yung wow sñiawbha ki wow beh noh ko neibhah da ieh ko leh ya ki khon ko kiwa em 5 ngut khlem em wa pait.

Related posts

Pynbna u DC ka East Jaiñtia Hills ya ki Number wa emkaam ha kini ki por wa dadpoi i por slap

March 18, 2026

Tyrwa ka JHADC yei pynkylla ya ka aiñ ki Waheh Chnong

March 18, 2026

U khon nyngkong ko toh uwa 11 snem wei iwa dang khian dooh to iwa dang chi snem, “Kamtæ nga da kyrpaad O wow liwan noh cha ki khon neibhah nga ym ye O wow pait ya kini ki khon wa nga toh kawa dooh wa duk wei ym yoh de tang wow lai kreh mylla leh,” da ong ka bei ka Shanma-I, ka Y. Lyngdoh.

Da ong ko leh wa ym ye de ko wow e baam ya kini ki khon wei ym tip de ko kammon u leh.