Khliehriat: Kiwa yahkhmat yong ka seiñ Meghalaya People United Front-San Shnong Circle (MPUF-SC), haka kyrwoh wada phah da u President ka (MPUF-SC) u Juny Phawa, deilang wa u Ialamki Sana, Secretary MPUF-SC, da booh ki yaka dawa naka chnat krekaam yong ka MeECL wow sñiawbha ko wow kylliang noh ya u Transformer uwa da sih wa em haka chnong Mukhaialong dong Wah Chnong, East jaiñtia Hills, uwa da sih wym krehkaam de kattu la kamwa 3 tayaw.
Kitai ki arliang da ong ki leh wa i dooh noh ya utai u Transformer da pynchitom ko ya kitai ki dong kiwa yoh bordiñ lyngba yong oo, khamtam kam ha ini i por wa em boon ki khon khynroo yong ka chnong kiwa em Online Class na i daw yong ka khlam COVID-19.
Neiliang yong ki da kyntu joor ki ya ki bor wa toh u pait ya kani ka kaam wow sñiawbha u chimkhia lang ya ini i dawa yong ki khlem da pynslem de neibynta i bha i miat yong kitai kiwa chong chnong.
Chooh chooh da ong ki neiliang yong ki daw booddien ki ya kani ka kaam lada ka MeECL ym leh ko yeiwa emkaam.
