Khliehriat: Ka Meghalaya People’s United Front-Khliehriat Circle (MPUF-Khliehriat Circle) hapoh i yahkhmat u President yong ka, u Kyrshan Blah deiwa e yumut u President ka East Jaiñtia u Michal Chyrmang ynne ka sngi da lai booh dorkhat ko ha ka yung krehkaam ka MeECL, Moowakhu Khliehriat Distribution Division kawa haap hapoh East Jaiñtia wow dawa kylliang noh ya uwi u Transformer wa da sih hapoh ka chnong Khliehriat East, East Jaiñtia Hills.
Katkam ka yutip yong ka seiñ utai u Transformer da sih u nadooh ka 16-06-2019 iwa da pynthut lut ya ki kaam ki paidbah khamtam ha kani ka juk wa ki paidbah chaniah ki ya ka bordiñ wei khamtam leh ka Exam chiteiñ snem yong ki khynnah skur leh da jan ko.
Khaddooh ka seiñ da kyrpaad joor ko ya ka MePDCL Moowakhu wow pynsmat u chna ya uni u Transformer khnang wow lait u thut ki Exam yong ki khynnah skur wa ka seiñ da kyrpaad ko leh ya u MLA ka thaaiñ, u Kyrmen Sylla wow yarap yaklam hajrong kani ka bynta.
Discussion about this post