U Deputy Director ka NEIGRIMHS, ynne ka sngi da thoh u cha u Joint Secretary ka Ministry of Health and Family Welfare ka sorkar India wow paan da ki chipai na ka Central Armed Police Force (CAPF) wow yada ya kani ka thaw sumaar wa ka thaw sikai hadien wa mih i awri ha ka 4 tarik uni u bnai.
Ha ka chithi da kdaw wa kani ka thaw da jooh chah pynthut i rukom krehkaam yong ka ha ki seiñbhalang wa kynthup ya ka Hynniewtrep Youth Council (HYC) wa Khasi Students Union (KSU).
Da ong wa ha ka 4 tarik uni u bnai ka HYC chirup wa ki 50-100 ngut ki bru da psiah ki ha ka Administrative Block kani ka thaw heiwa da kbai da awri ki dei thmu wow yachem wa u Director, hanlada khang ki Security Guard ya ki, da psiah yabor ki ha kamra krehkaam u Director wow dawa ya oo wow mih cha lait wei da khang tala ki ya ka yung krehkaam (Administrative Building) wei da phah mih ki leh ya kiwa kreh waroh.
Hajrong ini da ujor ya ka FIR pyrchah ya ka HYC tangwa dang man iwa syir ya kiwa boon wow wan kreh ki weiwa ki bor yada katni ha NEIGRIHMS toh kiwa da chim wai donhi wei man ki kiwa tlot wei ini booh i hei maa ya ki sahep, kiwa kreh wa ki bru paidbah kamjooh leh ya i thaw.
Kamtæ hajrong kini waroh da kyrpaad ya ka sorkar Pyrdi wow phah noh da ki chipai CAPF ha ki thaw wa synjor ka NEIGRIHMS khnang wow lait i thut hei rukom krehkaam wei wow yada na iwon iwon i jia wa sñiawsih
Discussion about this post