Jowai : Ka seiñ Southern Border Youth Welfare Association (SBYWA), East Jaiñtia Hills District, Khliehriat ha ka khubor wa pyllait da u General Secretary yong ka u Namphrangmi L. Talang da ong wa ka seiñ kyrpad ko ya ka tnat PWD Road wow pynbha pynchna ya u sarok wa lai na Lad Rymbai-Rymbai-Bataw- Borgkhat uwa pynbi ya ka Jhellapur (Assam) neidaw wa da joor wa sih u.
Da ong leh wa uni u sarok hei bynta wa lai cha ki chnong Hingaria, Huroi, Leijri ka sorkar da iehbeiñ ko ya oo hadooh katni khlem chna ya oo wei dang neh u du kam u sarok kyndaw, iwa booh yei eh ya ki paidbah wa chong wa sah ha ki tai ki chnong.
Da pteiñ deiwa ong wa neidaw wym biang u sarok da hiar leh ka khayi pateiñ yong ki paidbah. Ymtoh leh du i hiar i khih i khan ki paidbah, hei liang i kjut i chitom ki paidbah leh man i iwa ktah bha ya ki paidbah neibhah u tai u sarok dang suk u lai da kule ban ya ka kari da ong chooh chooh u K.L. Talang.
“Kamtæ kam ka seiñ da kyrpad i ya ka tnad PWD Road lyngba u Montri wa em burom yong i u Ma Sñiawbha Dhar wa ki Engineer yow pait lang ki yei eh i khoo yong ka thaiñ Border, Indo-Bangladesh wa em ha Meghalaya”.
Discussion about this post