Na i ban joor u khñiang COVID-19 wa kiwi de ki jait thymme wa mih na oo, kiwa da chim leh ya i mynsien wa kordor iwa nang ku man-ka-sngi, ka Shillong All Faiths Forum (SAFF) da phah ko ya i kyrpaad wa sngur cha ki bru yong waroh ki jait niam wa kiwa chong chnong waroh wow pyndep ya i kitkhlieh wa i kamram neibynta wow yada ya idæ, neibynta kiwa ha yung ha sem wei neibynta kiwa paramarjan.
Ka SAFF da ong ko leh wa ym toh wow chah yah bakla ha kitu kiwa kwah wow pyntieñ ya phi, tangwa wow bood ya iwa phah ki bru wa stad ha i chait i khiah wa ka sorkar.
Ka SAFF da kyrpaad ko wow:
- Bood bniah bha ya kammon wow yada ha kini ki kajiak sngi wa em i khang sbak. Ini toh iwa emkaam bha wow pyntkut ya u kynjri i poor uni u khñiang. Sñiawbha wow chong ha yung.
- Kiwa chong chnong waroh kiwa kiwa da dap 45 snem i rta wow chim smat ki ya i tika. Kani man ko kam ka stieh yada ya phi na i banbor uni u khñiang, wei daw pynkhlan leh ya i bor yong phi wow yaleh pyrchah ya i kjut.
- Wow deiñ ya ki Mask, neitæ wow yajngai uwi ya uwi wei wow sait ya ki kti neibhah kini man ki kiyi kiyi wa i waroh hap i wow bood ryntih bha.
