Ka Shillong Traffic Police da kyrpaad ko yaki paidbah wym toh u pyndait lane wow pynkylla ya iwa da em chwa haka kari kam ki chaka wa heh wa kynthup ya ki Alloy Rims kiwa ye wow pynthut ya kiwi ha ki sarok iwa ye leh wow wanrah yei ya tyrrah kari.
Da ong leh wa katkam ki kyndon ka aiñ da ong wa kiwon kiwon ki tre kari kiwa pynkylla yei dur ka kari deiwa pyndait da ki tiar kari ki wym chah ka aiñ daw pynchitom yaki katkam ka aiñ Motor Vehicle Act hapoh ka Section 182 (A) (4) wei i chah pynchitom ye ko wow man deiwa kset patok 6 bnai lane ka kuna wa T. 5000 lane waroh ar.
Ki pulit da ong ki wa deiwa pyndait da ki chaka lane ki Alloy Rims kiwa heh daw pynduna yei bor ka kari, daw pynkhia ko leh ya u Steering, daw khlan u baam phñiang, daw bakla iwa pynyoo u Speedometer wa hadooh katwon lai smat ka kari kamjooh leh ym suk wow yah kari.
