Kyrpaad ka Synjuk Waheh Chnong ya ka sokrar wow pynchna ya u sarok NH-6 yow lait nei yakhih

Ka Synjuk Waheh Chnong Ri Jaiñtia da e ko i kyrchaan wa pura yei dawa ka Synjuk Waheh Chnong East Jaiñtia na ka sorkar MDA-II wow chna pynmiat smat noh katwa ye ya u sarokbah NH-6 uwa da jæd da pra chawa palatpood.

“Uni u sarok man u u budloom yong ka East Jaiñtia wa kiwi tawon ki marjan jylla,” da ong ka synjuk.

Kamtæ ka synjuk da kyntu ko ya kiwa mihkhmat napoh Ri-loom Jaiñtia wow sñiawbha ki u yaklam lang wow pynsñiaw cha ka sorkar yow pynsmat noh u chna kamwa da kular ko neipor cheipor wei ka Synjuk Waheh Chnong Ri Jaiñtia hi da jooh pynsñiaw ko cha ka sorkar MDA-I da ka Memorandum wa da booh ha ka 12-09-2022 ha u Montri Rangbah, u Conrad K. Sangma wow chna noh katwa ye deilang ya u sarok Sutnga Saipung wa kiwi kiwi.

Ka synjuk da kyrpaad ko ya ka sorkar wow chna noh smat ya uni u sarok yow lait nei yakhih i kulmar kiwa chong chnong wa ki seiñ waphær waphær yow neh ka chong suk hapoh ka District ka East Jaiñtia neibhah i sih ware u sarok da wanrah ko ya i jia wa sñiawsih wei ktah ko ya kiwa kjut wa chitom, khamtam ki kynthai pun-khon wa lai lyngba uni u sarok cha ki thaw e sumaar wa em cha sor wa khap sor.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025