Shillong: Ki bru wa sahkut hapoh yong ka Bethany Hospital, Shillong da kyrpaad ki yaka sorkar wow kyrriah noh ya ki na Hospital cha ki thaw wa da pynkhreh da ka sorkar (Isolation Centre). Ya ini da pynsñiaw da kawi ka kong kawa yang bru wa kjut ha katai ka Hospital ynne ka sngi lyngba ka Video wa riñ hi ko.
Kawi won ka kong da ong ko wa ka sorkar da dep kular ko wow kyrriah noh ya ki na katai ka thaw tangwa hadooh katni ym pu leh iyi iyi, wei katni waroh kitu kiwa sahkut, hap ki wow chong hapoh i tngit katai ka Hospital neibhah wa ym em de kiwa pynkhooid.
Neiliang kawi ka Nurse yong ka Bethany Hospital kawa da sahkut ha katai ka Hospital, da paan yarap ko wa ka sorkar u kyrriah noh ya ki waroh na katai ka thaw, da pyntip chooh chooh wa kiwa kjut wa kiwa yang kylli ma kylli ki naki Nurse mynnu u kyrriah noh neibhah neibhah i man ka thaw wa hap ki wow chong man ko kawa da tngit nei wym ye de u pynkhooid.
Kam wow pynkynmoo wa da dep wow kyrriah ya 30 ngut kiwa da dep Test napoh kani ka Hospital cha ki Quarantine Centre haka 15 tarik.
Discussion about this post