Hadien wa dep thmu ka sorkar wow pynkylla Isolation Wards ya ka Hostel yong ka Kiang Nangbah Government College, neiliang ka Kiang Nangbah Government College Students Union (KNGCSU) da kyrpaad joor ki ya ka sorkar jylla wa ya u Deputy Commissioner yong ka West Jaiñtia Hills wow sñiawbha u kyrriah chawi.
Ka KNGCSU ym em sñiawbiang ko wow pynkylla ya ka Hostel cha ka Isolation Ward neibhah daw ktah ko ya ki tiar ki khynnah wa chong wa sah hapoh ka Hostel kamjooh leh daw ktah ko leh ya ki mar yong ka Hostel.
U Dawyoo Lyngdoh kam u President wa u Wanbiang Pulang u G.S. ka KNGCSU da ong ki wa ha chwa wow pynkylla Isolation Ward, hap wow booh bha ya ki mar ki khynnah wa sah hapoh Hostel wa ki mar ka College. Neibhah ym em thaw wow booh bha ya ki tiar yong ki chawi lait noh hapoh ka Hostel. Wei kamjooh leh wa hadooh ynne ka sngi, ka um hapoh ka Hostel leh ym toh kawa khooid bha kawa man ym biang ya kiwa chah sumaar wow dih ka.
Chooh chooh da ong wa katkam ka kyndon aiñ yong ka College, ym chah wow wan psiah kiwa na baar wow sah hapoh yong kani ka Hostel, wei lada ka sorkar ym ap ko ya i kyrpaad yong ka Union, daw hap ki wow chimkhia ya iwon iwon i jia hapoh ka Hostel.
Kamtæ da kyrpaad ya ka sorkar wa ya u DC WJHD wow sñiawbha u kyrriah noh cha iwi i thaw kawa ym ktah ya ka imlang sahlang.
Discussion about this post