U Deputy Commissioner uwa man leh kam u Chairman ka District Level Road Safety Committee, West Jaiñtia Hills District da pyntip u wa kam chibynta wow yada neiwa sñiawsih hawa lai wa wan da ki kari wei yow lait leh nei yap. Neiliang ka Committee da kyrpaad ko ya kiwa yah ar chaka kamjooh kiwa chong hadien wow sap helmet.
Ya kiwa yah kari won wow deiñ ki ya ki Seatbelt neibynta i bha i miat yong ki hi.
Kam chibynta wow pynman yei pynsñiawthooh, neiliang ka District Level Safety Committee daw pynman ko ya ki yalang paidbah ha Wahiajer/Ummulong ha kani ka 4 tarik, ha Amlarem haka 5 tarik wei daw pynbood won ha Iawmusiang, Jowai haka 6 tarik.
Haka 7 tarik won, ka District Level Road Safety Committee daw pynman ko yei lai pynsñiawthooh deiwa lai pait sylli ya ki dien ki Truck wa kiwi ki kari heh wa lada biah ki ya ki Retro Reflective Sheeting yow lait nei ya tyrrah kari nadien ha Jowai Bypass, Khliehtyrchi.
Haka 8 tarik won daw pynman yei pynsñiawthooh hajan yung krehkaam u DTO heiwa daw pait ya ki wym em sap Helmet wa kiwa deiñ Seatbelt wa kiwi kiwi.
Kiwa chem wa leh pyrchah hadien wa pyndep yei pynsñiawthooh daw chah pynchitom ki katkam ki kyndon ka aiñ Motor Vehicle (Amendment) Act, 2019.
Discussion about this post