Jowai: U District Medical and Health Officer (DMHO) ka West Jaiñtia Hills da kyrpaad u ya waroh wa ym toh wow pynpoor ya ki khubor kiwa ym tikna wa kiwa thok heiyatoh wa u khniang Coronavirus (2019 nCoV) kiwa ye u wanrah yei syier mynsien wa i tieñ ha ki paidbah.
Heiyatoh wa ini, u DMHO da ong u wa da chem wa ya kawi ka chithi (Official Letter) wa da thoh cha u District Medical & Health Officer, East Jaiñtia Hills da pynpoor yaka ha ki Social Media wei da em leh ki kotkhubor wa da pynmih khubor ka ha kini ki sngi wa dep iwa da wanrah yei chong syier ki paidbah i wym toh u jia, wei i wym emkaam ha waroh ar District ha ri-loom Jaiñtia.
Kamtæ u DM&HO ka West Jaiñtia Hills da pynche u wa ka Official Letter toh kawa phah u yow man ka yung krehkaam u District Medical & Health Office, East Jaiñtia Hills District, Khliehriat kawa da pynkhreh yow chim ya ki laad yada ya kitu wa dang wan chapoh ka District ha China. Wei kini ki bru toh kiwa da dep sylli (Screening) bha ya ki ha ki Screening Counter wa em ha Umroi Airport wa Lokapriya Gopinath Bordoloi Airport, Guwahati, wei du hadien ini da chah ya ki wow lai cha yung ki. Chooh chooh u DMHO da pyntip u wa ym em kiwon kiwon kiwa yoh Coronavirus hapoh ka District.
Discussion about this post