Jowai: U Superintendent of Police ka West Jaiñtia Hills da pyntip u cha ki paidbah wow dam u thied ya ki mar wa da dep pynemkaam namo ki Second Hand Products khamtam ya ki Mobile Phones, Ipads, Laptops, Televisions wa kiwi kiwi na ki bru wa ym em yoh bor wow leh ya ini neidaw wa kini ki mar ye ki wow man kiwa da yoh pyrchah yaka aiñ kiwa man leh ki mar tooh iwa ye u chah pynchitom kiwa thied kiwa pynemkaam ya ki mar tooh.
Kamtæ da kyntu u ya ki paidbah lada tip ki ya kiwon kiwon ki bru wa dai ya kini ki mar wow pyntip cha ki pulit wei yei pyrtuid kiwa pyntip ym pynbna paidbah wei daw murieh yei pyrtuid ki.
Discussion about this post