Ka khlam COVID-19 kawa sdang nyngkong ha China chwa wow kut u snem 2019, ynne da tam 10 lak ngut ki bru wa da yoh ya u khñiang ha palat 200 tylli ki ri hapoh pyrthai.
Ka yukheiñ katkam ka John Hopkins Coronavirus COVID-19 Global Cases Website toh du ya kitu donhi kiwa da pyntikna hadien wa dep yaka Test.
Na kini ki 10 lak ngut 2 lak tam toh kiwa em ha USA kawa man ka ri wa boon dooh wa yoh ya uni u khñiang, pynbood saka Italy 1.15 lak , ka Spain 1.12 lak ngut ka China 81 hajar tam, ka Germany 80 hajar tam, ka France 59 hajar tam waka Iran 50 hajar tam kiwa man ki ri wa da tam 50 hajar ngut kiwa da yoh ya uni u khñiang.
Kiwa yap kiwa boon dooh toh ha Italy kiwa da em 13 hajar tam, pynbood saka Spain 10 hajar tam, ka USA 5 hajar tam kamjooh ka France 5 hajar tam.
Ka South Korea waka USA kiwa pyntikna haka jooh ka sngi 21-01-20 wa em wa yoh ya u COVID-19 tangwa ka South Korea deiwa smat ko wow khang yaka ri kamjooh wow pynjoor ya i leh yaki Test, da em 10 hajar tam kiwa yoh ya uni u khñiang wei da chait 5 hajar tam.
Ka China da man ko leh ka ri wa da boon dooh kiwa chait heiwa da em 76 hajar tam, wei kiwa dang em ya uni u khñiang da em ki sa 3 hajar tam donhi naka 81 hajar tam kiwa dep yoh.
Kiwa da yap hapoh pyrthai na u COVID-19 da em ki palat 50 hajar ngut katwa kiwa da chait da tam ki 2 lak ngut.
Discussion about this post