Ka seiñ FKJGP War-Jaiñtia Circle da maham ko deiwa khor ya ka chnat MePDCL hadien i wym chimkhia ka chnat wow pynpoi bordiñ wut-wut ha ka chnong Pamtadong hapoh ka Amlarem Sub-Division, West Jaiñtia Hills District la kamwa duna 10 snem neidaw wa sih u Transformer ha kani ka chnong iwa da pynchitom sakhiat ya ki paidbah.
Ka seiñ da ong ko wot hadien wa da e dorkhat ko ha ka 30-03-2021 ha u Asst. Executive Engineer MePDCL Amlarem Distribution Sub-Division wei hadien won ha u Executive Engineer Jowai Distribution Division ha ka 09-12-2021 tangwa hadooh katni neiliang ka chnat ym em u mano ko wow leh yeiwa emkaam.
Kamtæ hajrong ini waroh ka seiñ da rai ko wow khang noh chisiendon ya ka yung krehkaam ka MePDCL lada ymye ko wow pynpoi bordiñ ha kani ka chnong hapoh chi tayaaw.
Kani toh katkam ka Wyrta na u Shlur Mukhim uwa man kam u President wa u K.M. Khonglah u Asst. Secy FKJGP War Jaiñtia Circle.
