Kiwa dang yoh COVID-19 ha Meghalaya da pteiñ ki wow neh hapoh 100 ngut la 11 sngi wa hapoh 200 ngut la 27 sngi khlem sangeh heiwa kiwa chait leh da boon ki ya kiwa dang yoh la 4 sngi khlem sangeh.
Kiwa dang yoh ynne ka 19 tarik da em ki 65 ngut, kiwa dang chait 101 ngut wa 1 wa yap ha East Garo Hills (wym pu em yoh tika).
Na kiwa dang yoh kiwa boon dooh toh ha East Khasi Hills (43) katwa ha kiwi ki District da em ki hapoh 10 ngut kiwa ha West Jaiñtia Hills (09), West Khasi Hills (06), Ri-Bhoi (02), West Garo Hills (02), East Garo Hills (01), North Garo Hills (01) wa ha South Garo Hills (01) katwa ha East Jaiñtia, South West Garo wa ha South West Khasi Hills ym em kiwa dang yoh.
Na kiwa dang chait kiwa boon dooh toh ha East Khasi Hills (55) wa ha West Khasi Hills (22).
Ki District wa duna dooh kiwa dang chah ktah toh ha South Garo Hills (02), South West Garo Hills (02), North Garo Hills (02), East Garo Hills (02), South West Khasi Hills (05), East Jaiñtia Hills (06), wa ha West Garo Hills (16).
Ki District wa boon dooh kiwa dang chah ktah toh ha East Khasi Hills (474), West Khasi Hills (144), West Jaiñtia Hills (51) wa ha Ri-Bhoi (36).
Waroh kiwa da chait da em ki 97.37% kiwa em 80,900 ngut, kiwa dang chah ktah da em ki 0.89% kiwa em 740 ngut, kiwa yap 1.73% kiwa em 1439 ngut, deilang dapoi 83,079 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 16,62,448 sien heiwa ynne ka sngi da e 7921 sien wa kynthup ya ki HCW 21 ngut, ki FLW 102 ngut, kiwa 18 snem chaneiñ 6603 ngut wa kiwa 45 snem chaneiñ 1195 ngut. Kiwa dang yoh tika ynne kynthup ki leh ya 1186 ngut kiwa dang yoh yei sien wa nyngkong wa 6735 ngut kiwa da yoh yei sien wa ar.
Waroh kiwa da yoh tika chisien da em ki 10,90,628 ngut wa 5,71,820 ngut kiwa da yoh la arsien.
Kawa dang yap toh ka Elsiebell R. Marak (55 snem) kawa na Housing Colony, Balsrigittim, EG Hills kawa da li booh ha ka 07-10-2021 cha Civil Hospital, Williamnagar wei da khlaad ko ha ka 17-10-2021 na ka Covid-19 Pneumonia wei toh kawa da em chwa kiwi de ki kjut.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
