Ynne ka Ministry of Health & Family Welfare (MoHFW) ka ri, da pyntikna ko wa em 137 ngut kiwa da yoh ya u COVID-19 hapoh ka ri hadooh 5:15 waje i janmiet heiwa hadooh 10:55 ynne i step da em 125 ngut iwa da ku da 12 ngut.
Kini waroh kynthup ki ya ki 14 ngut kiwa da chait hadien wa chah sumaar ki wei kiwa da yoh liwan cha yung.
Hadooh wa man kattæ, ya kiwa da dep sylli (Screened) hapoh Airport da em ki 13,54,858 ngut wei dang booddien yei man i long yong kiwa yatoh yajan wa kiwa da yoh ya uni u khñiang.
Chooh chooh ki jylla wa da chah ktah joor dooh toh ka Maharashtra kawa da em 39 ngut wa da yoh ya uni u khñiang (3 ngut ki baar ri), ka Kerala wa em 26 ngut (2 ngut ki baar ri), Haryana 15 ngut (14 ngut ki nong Italy), ha Uttar Pradesh da em 15 ngut (uwi na baar ri).
Kiwa da chait hapoh ka ri waroh kawi em ki 14 ngut wei kini toh ha New Delhi, Kerala, Rajasthan, Telengana wa ha Uttar Pradesh.
Discussion about this post