La 14 ngut ki khynroo khyllood kiwa da chah jied ha ka Jaiñtia Got Talent na ki ar thaw

Jowai: Ka Jaiñtia Got Talent namo ka rynsan wa ye ki khynroo khyllood ka ri-loom Jaiñtia u pynyoo yei sap yong ki, ya kawa da pyllai da ka Chirup U Krehlang I Society.

Ka Audition yong kani ka yakop pynyoo sap da sdang ko ynnin ha Syiem Jingsuk Secondary School, Amlarem heiwa da wan 20 ngut wei da chah jied 2 ngut na ki.

Kini ki ar ngut wa chah jied na Amlarem toh u Niskanto Pohdweng uwa rwai wa u Emmanuel Pohlet uwa chaad.

Ynne ka 8 tarik da pynman ya ka Audition ha Jaiñtia Eastern College, Khliehriat heiwa da wan 30 ngut wei da chah jied won 12 ngut.

Kini ki 12 ngut toh kiwa chaad, wa rwai wa uwa leh jadu.

Related posts

Saam ka Dorbar Chnong Caroline Colony ya ka song poisa cha kiwa jop ya ka Lucky Draw

January 19, 2026

Khut ka Police Public Secondary School Jowai ya kiwa kwah wow thied ya ki Stall ka Fete

January 19, 2026

Kiwa rwai wa da chah jied toh u Raper Marki, u Eladmi Kyndait, u Sharai Bha Bareh, ka Mbika Chetry, ka Tipka Biam, u Sonu Brahm, ka Joyciful Shylla.

Kiwa chaad kynthup ki ya ka Laxmi Dkhar, ka Dolma Sherpa, u Dabul Shylla wa ka Tipka. Da jied leh ya uwi uwa da leh jadu ya uwa tip kam u Jesper Dkhar.

Ka Audition daw pteiñ ko ha Mowkyndeng wa Raliang haka 10 tarik, ha Moodymmai wa Wahiajer ha ka 12 tarik wei u pynkut ya ka ha Jowai (District Library Auditorium) ha ka 13 tarik.