Neiliang ka National Health Commission ka China ynne da pyntikna ko wa kiwa yap na u khñiang COVID-19 da ku i cha ka 1,487 ngut.
Kamwa man ynnin da pyntikna wa kiwa yap da em ki 1,362 ngut hapoh ka ri iwa mut kiwa da yap na uni u khñiang da kynjoh i cha ka 125 ngut hapoh 24 kynta.
Na kini ki 125 ngut, hadooh 116 ngut toh kiwa yap du hapoh ka Hubei Province donhi kawa da chah khangkset (Quarantine) khnang wow lait uni u khñiang u poor.
Kiwa da yoh ya uni u khñiang hapoh China da kynjoh i cha ka 63,767 ngut na ka 59,651 ngut.
Da ong ko leh wa katkam wa man katni kiwa da chait na i kjut da em ki 6,770 ngut.
Chooh chooh cha baar ka China kiwa em ya uni u khñiang da kynjoh i ya ka 505 ngut.
Discussion about this post