Ka Nehru Yuva Kendra Sangathan (NYKS), Meghalaya ynne ka sngi da pynman ko yei pynkhooid hapoh ka “Clean India Program” ha Don Bosco Museum, Shillong.
Kani ka Clean India Drive toh kawa man kam chibynta wow lehkhooid hapoh ka ri. U Virendra Khatri, Director (Finance), NYKS, New Delhi, Head Quarter, State NYKS Officer wa kamwa 105 ngut ki Volunteers da embynta lang ki ha ini i pynkhooid ynne ka sngi.
Da pyntip wa hapoh kani ka Clean India Program, da booh thong wow pynlang ya ki jhep Plastic 17,720 Kg neibynta ka jylla Meghalaya ha ka chi bnai. Wei ya kani ka thong da tam deiwa ye u pynlang 18,083 Kg na waroh kawi ka jylla.
Neiliang u Virendra Khatri wa u Atul Nikam da e khublei ki ya waroh ki Deputy Directors, District Youth Officers, Accounts, Program Assistants, NYKS, ki NSS Volunteers wa waroh ki dkhot ki Youth Club kamjooh ya kiwa yahkhmat yong ki.
Ha kani ka sngi da chim ki ya ka smai wow pynman ya ka India kawa khooid.
Da chimbynta leh ha kani ka sngi da u Fr (Dr.) Denis Lalfela, Director, Don Bosco Centre for Indigenous Cultures (DBCIC), u Atul Nikam, State Director, NYKS Meghalaya, u Sayyad Ali, State Director(I/C), NYKS, Assam, u Gopajit Das, Media & Communication Officer, PIB Shillong, u F. Rumnong State NSS Officer, u Donavan Rapsang, Deputy Director, NYK Shillong, ka Sneha Shaw, ASO wa kiwi kiwi de.
