Jowai: Nadooh wa joor u slap ha uni u bnai iwa da wanrah ya i chlai um ka wah Leteiñ iwa da pynthut ya i kit ya kiwa kreh wow taan um na ki krem mooyong wa em ha Ksan heiwa kawi toh kawa em kiwa tih mooyong wa chah kset nei chlai um.
Hadooh ynne ka sngi ym pu em yei wow sdang biang wow taan um iwa da poi 20 sngi wei ka um wa em ha ka krem mooyong wa em kiwa chah kset da ku ko cha ka 4 Feet na iwa jooh em ko.
Ynne ka sngi da rap hiar ka um iwa yarap wow kit du ya ki mar wa emkaam cha kani ka thaw katwa ya kiwa kreh ka CIL, KBS waka Kirloskar Brother won ym pu ye u kit ki neidaw wa pu ye ki kari wow kaap chiliang.
Ha ini i joor slap da sih leh ki Generator wa pynemkaam ki Pump taan um wei dang pyrchang wow chna yak i hadooh katni.
Kamwa jooh, ki dkhot ka NDRF wa SDRF dang em ki ha kani ka thaw wow yarap ya iwa emkaam.
Kam wow pynkynmoo wa kiwa ha yung ha sem kiwa chah kset da thoh ki cha ka sorkar wa hun ki wow pyndam noh wow thooh ya kiwa ha yung ha sem ki kiwa chah kset lada bait ka sorkar wow su, wei ka sorkar leh daw rah ko ya kini ki chithi ha khmat ka Supreme Court yow pyndam noh yei thooh ya kiwa chah kset.
Discussion about this post