Ki pulit ka 6th MLP Battalion ini wa dep da sdang ki yaka thong krehkaam wa tip kam ka “Reaching Out Beyond The Call of Duty”, ya kawa da sdang nadooh chi tarik uni u bnai na Umran, Niangbyrnai heiwa da e yarap ko hadooh 500 tylli ki kymmor ya kiwa da e sniawbha da ki Pulit ka 6th MLP Battalion.
Kamwa kani ka thong da lai bait ko wei da boon ki bru wa tip chaphang ini i kaam ka Battalion heiwa da em leh i synniang na ki lok kiwa yajan yong ka Battalion, ki para wakreh hapoh ka Meghalaya Police wa kiwi kiwi.
Ka Battalion da sñiawngooh ko chiboon ya ka Deputy Commissioners ka Ri Bhoi District, ka R.M. Kurbah kawa da kyrchaan ya ini i kaam.
Hadooh ynnin ka sngi hadooh 2000 tylli ki kymmor da saam da ka MLP Battalion cha kiwa chong chnong wei ha ka 21 tarik da ekti leh ya ki kymmor cha ki Rangbah Shnong yong ki 6 chnong wa haap hapoh ka Umsning Town Durbar khnang wow ye ki u saam ya ki cha ki paidbah wa chong chnong.
