Ka jylla Manipur nadooh wa sdang uni u bnai da em 131 ngut kiwa yoh COVID-19 yow pynpoi waroh 209 ngut wei kiwa boon na kini toh kiwa liwan na baar jylla.
Du ynnin da em 37 ngut kiwa da pyntikna wa yoh COVID-19 ha Manipur wa pynbna daka chnat i chait i khiah, heiwa 26 ngut toh ki chynrang wa 11 ngut ki kynthai.
Kini toh na Imphal West 11 ngut ki chynrang wa 2 ngut ki kynthai, na Churachandpur 8 ngut ki chynrang wa 4 ngut ki kynthai, na Kakching 2 ngut ki chynrang, na Kamjong 5 ngut ki kynthai, na Bishnupur 2 ngut ki chynrang, na Tengnoupal 2 ngut ki chynrang wa uwi u chynrang na Ukhrul.
Kini toh kiwa liwan na Uttar Pradesh (2 ngut), Mumbai (9 ngut) wa na Delhi (26 ngut).
Wa kini, waroh kiwa yoh COVID-19 ha Manipur da em ki 209 ngut heiwa kiwa dang em ya uni u khñiang da em ki 157 ngut katwa kiwa chait da em ki 52 ngut.
