Ka yung krehkaam u montri rangbah ka jylla Meghalaya ynne da pyntip ko wa da em 10,287 ngut kiwa da yaleh wow yoh yaka e yarap poisa wa chisien su kawa T. 3000 cha kiwa napoh ka jylla kiwa sahkut cha kiwi ki jylla hapoh ka ri.
Na kini da dep wow pynsakhiat 7,288 ngut wei yaka poisa yong ki da phah cha ki Bank kiwa dang pynbait yow phah yaka poisa cha ki Bank Account yong ki. Kani ka poisa toh kawa wan naka CM’s Special Grant for Stranded People.
Heiyatoh won wa kiwa khih mylla kiwa ym em hapoh kawon ka seiñ (Unorganised Labourers) kiwa da yaleh wow yoh yarap T. 2100 (T.700 chi tayaw) da em ki 2,33,193 ngut heiwa na kini da dep pynsakhiat 2,02,281 ngut.
Ya kiwa khih mylla won kiwa em hapoh ka BOCW Act kiwa yoh T. 3000 samen da em ki 9,302 ngut.
Hapoh ka PM Kisan Samman Nidhi, da em 87,189 ngut ki warep hapoh ka jylla kiwa da yoh yarap daka poisa.
Discussion about this post