U montri i chait i khiah ka jylla Assam, u Himanta Biswa Sarma ynne da pyntip u wa da em 985 ngut kiwa dang chait na u COVID-19 iwa da pynpoi ya waroh kiwa da chait cha 24040 ngut.
Na kiwa dang chait toh iwi i khonboo wa dang 3 bnai deilang waka bei yong ka kiwa chah sumaar ha MMCH.
Da pyntip u leh wa ynne da em 1142 ngut kiwa dang yoh COVID-19 kiwa boon na Guwahati 171 ngut, Kamrup 188 ngut wa Darrang 100 ngut.
Da em leh 2 ngut kiwa yap na u COVID-19 kawa 53 snem i rta na Tinsukia wa uwa 50 snem i rta na Dibrugarh. Waroh kiwa yap da poi 79 ngut.
Kiwa dang em ya uni u khñiang da em ki 8106 ngut wa 3 ngut kiwa da mih napoh ka jylla. Waroh kiwa da dep yoh da em ki 32228 ngut.
