Hadien wa joor i chah tooh ki thuk-thuk ha Jowai wa ki jan chnong, ynne ka sngi u MLA ka Jowai, u Wailadmiki Shylla da lai booddien u ya ini i kaam wa u SP ka West Jaiñtia Hills u C. Syrti kamjooh kiwi ki sahep pulit.
Hadien i yachem, neiliang u Wailadmiki da ong u wa ha ki sngi wa dadep ki pulit da yoh ki hadooh 27-28 tylli ki FIR heiyatoh wa i chah tooh thuk-thuk.
Da ong u wa ki pulit hadien wa booddien ki da chem wa ki thuk-thuk wa chah tooh na East Jaiñtia da wanrah ya ki cha West Jaiñtia wei na West Jaiñtia da rah cha East Jaiñtia.
Hajrong ini da ong u wa emkaam i yakrehlang iwa khlan hapyrdi ki pulit yong ki ar District.
Da yooluti u wa ha ki tayaaw wow wan daw yoh u kem ya kiwa emkti ha ini i kaam.
Heijooh i por da ong u wa man iwa eh wow thooh ya ki thuk-thuk wa chah tooh, kamtæ da kyntu u ya ki tre wow thied wei booh da ki GPS/Tracker ha ki Motorbike wa ki Scooty yong ki khnang wow pynsuk ya ki pulit lada jia wa chah tooh ki.
Neiliang u SP da pyntip u wa nadooh u Duyatra (Jan) 2024 hadooh ynne ka sngi, ki pulit ka West Jaiñtia da chem (Recover) ki hadooh 27 tylli ki thuk-thuk wa da chah tooh.
Discussion about this post