Shillong: U Prestone Tynsong da pyntip u wa kiwa chong chnong kiwa yoh myntoi hadooh kattæ na ka Public Distribution System (PDS) da em ki kamwa 29 lak ngut, na kiwa chong chnong waroh ha ka jylla, kawa em palat 34 lak ngut.
U Symbood Montri Rangbah da pyntip u wa ki paidbah kiwa da yoh myntoi lyngba ka National Food Security Act (NFSA) da em ki 21,45,144 ngut. Kini toh kiwa yoh ya u khoo rachon ha ka dor T.3 chi kilo uwi u bru, wei neibynta kini ki 3 bnai da yoh mynkna ki leh 5 kilo u khoo man u bnai.
Da pyntip u leh wa kitu ki wym kynthup ha ka NFSA, kiwa yoh ya u khoo rachon ha i dor T. 8.30 da em ki 7,72,694 ngut, deiwa pynrap wa lada kheiñlang ya kini waroh kiwa chong chnong ha ka jylla kiwa em kamwa 29 lak ngut da yoh myntoi ki na ka PDS.
Discussion about this post