Kiwa dang yoh COVID-19 ha India wa ynne ka sngi da man le sngi khlem sangeh wa da tam 2 lak ngut kiwa dang yoh heiwa ha kini ki 24 kynta da em 2,34,692 ngut kiwa dang yoh, kiwa dang chait 1,23,354 ngut, kiwa dang yap 1,341 ngut iwa mut wa kiwa dang em ya uni u khñiang da ku ki da 1,09,997 ngut.
10 tylli ki jylla da em ki 79.32% kiwa dang yoh thymme kitæ ha Maharashtra, Uttar Pradesh, Delhi, Chhattisgarh, Karnataka, Madhya Pradesh, Kerala, Gujarat, Tamil Nadu wa Rajasthan heiwa kiwa boon dooh kiwa dang yoh toh ha Maharashtra 63,729 ngut pynbood saka Uttar Pradesh 27,360 ngut wa ha Delhi 19,486 ngut.
Na kiwa dang yap kiwa boon dooh toh ha Maharashtra 398 ngut, Delhi 141 ngut, Chhattisgarh 138 ngut wa ha Uttar Pradesh 103 ngut.
Na waroh kiwa dang em ya uni u khñiang, 65% toh kiwa em ha ki 5 tylli ki jylla kiwa boon dooh ha Maharashtra (38.09%), Uttar Pradesh (8.97%), Chhattisgarh (7.04%), Karnataka (6.39%) wa ha Kerala (4.18%).
Waroh kiwa da chait da em ki 87.23% kiwa em 1,26,71,220 ngut, kiwa dang em ya uni u khñiang da em ki 11.56% kiwa em 16,79,740 ngut, kiwa yap 1.21% kiwa em 1,75,649 ngut, deilang da poi 1,45,26,609 ngut kiwa da dep yoh ya uni u khñiang hapoh ka ri.
Heiyatoh won wa i e dawai yada COVID-19 hapoh ka ri, da dep e 11,99,37,641 sien heiwa ynnin ka sngi da e 30,04,544 sien.
