La 3 sngi kattu i pyrchang wow pynlait ya ki bru na i krem mooyong ha Umrangso

I kreh wow pynlait ya kiwa sahkut ha i krem mooyong ha 3 Kilo, Umrongso, Assam dapoi i cha ka sngi wa 3 ynne khlem tip lada dang em kiwa dang im namo waroh da yap ki.

Ya ini i kreh da yahkhmat da ki 35 ngut ki dkhot ka 1st Battalion ka National Disaster Response Force (NDRF), chirup wa ka Indian Army, Navy, Assam Rifles wa Fire and Emergency Services.

Ka Indian Navy da pynemkaam ko da ki tiar wa har rukom wow phah chapoh kani ka krem.

Ynne da yaleh katwa ye wow sai ya ka um deiwa pynemkaam ya ki kor wa heh wa kynthup ya ka Heavy-Duty Motor Pump na ka ONGC Silchar hanla kattæ leh dang sah sa 70 ft ka um ha ini i krem.

Related posts

Da pynku dor yei Petrol wa Diesel da Rs. 3 chi litre

May 15, 2026

Pyndem sa ka Dalmia Cement hakhmat ka JAC | Dang pteiñ i yakhih pyrchah ya ki Bulker Truck

May 14, 2026

“Mynstep daw pynemkaam ya ki Heavy Suction Pump wow smat u sai ya ka um”, da ong u heh ka Assam State Disaster management (ASDMA).

U Inspector ka NDRF, u Roshan Kumar Singh da khana u wa hanla pynemkaam ya ki Heavy-Duty Pump tangwa ka um dap ma dap ko iwa man iwa eh bha ya ki.

Chooh chooh da ong u wa da thooh ki kylleiñ ini i krem tangwa boi em kiwa em chajan yong ka tangwa ym em iwi wot leh wei ka um da dap biang ko kamwa jooh hi.