Kiwa dang yoh COVID-19 ha Meghalaya da neh ki hapoh 50 ngut la 3 sngi, hapoh 100 ngut la 23 sngi wa hapoh 200 ngut la 39 sngi khlem sangeh.
Kiwa dang yoh ynne ka 31 tarik da em ki 22 ngut, kiwa chait 51 ngut wa 1 wa yap (wym pu yoh tika) ha East Khasi Hills.
Na kiwa dang yoh kiwa boon dooh toh ha East Khasi Hills (14) katwa ha kiwi ki District da em ki hapoh 3 ngut kiwa ha West Garo Hills (03), West Khasi Hills (02), North Garo Hills (01), Ri-Bhoi (01) wa ha West Jaiñtia Hills (01) katwa ha East Garo, East Jaiñtia, South Garo, South West Garo, South West Garo wa ha South West Khasi Hills ym em kiwa dang yoh.
Na kiwa dang chait kiwa boon dooh toh ha West Khasi Hills (27) wa ha East Khasi Hills (18).
Ki District wa boon dooh kiwa dang chah ktah toh ha East Khasi Hills (284), West Khasi Hills (56), West Jaiñtia Hills (28) wa ha Ri-Bhoi (24).
Ki District wa duna dooh kiwa dang chah ktah toh ha South Garo Hills (01), North Garo Hills (03), South West Garo Hills (03), East Jaiñtia Hills (04), South West Khasi Hills (06), East Garo Hills (10) wa ha West Garo Hills (12).
Waroh kiwa da chait da em ki 97.75% kiwa em 81,746 ngut, kiwa dang chah ktah da em ki 0.51% kiwa em 431 ngut, kiwa yap 1.73% kiwa em 1450 ngut, deilang dapoi 83,627 ngut kiwa da dep yoh ya uni u khñiang hapoh ka jylla.
Uwa dang yap:
- Patient’s name: Kitborlang Rani, 37 Yrs/M
Address: Mawlai Umjajew, EK Hills
Admitted on 25-10-2021 in NEIGRIHMS Hospital, Shillong
Leave Against Medical Advice on 29-10-2021
Expired at home on 29-10-2021 at around 11:00 PM
Cause of death: Head Injury and Covid-19 Positive
Heiyatoh wa i e tika hapoh ka jylla da dep wow e la 17,45,069 sien heiwa ynne ka sngi da e 17 sien wa kynthup ya ki HCW (00), ki FLW (00), kiwa 18 snem chaneiñ (17) wa kiwa 45 snem chaneiñ (00). Ki 17 ngut kiwa yoh tika ynne toh kiwa yoh yei sien wa ar.
Waroh kiwa da yoh tika chisien da em ki 11,03,271 ngut wa 6,41,798 ngut kiwa da yoh yei sien wa ar.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
