La 32 ngut wa yap wei palat 2,500 ngut kiwa mynsoo ha Bangladesh

I yakhih ha Bangladesh da nang joor i heiwa hadooh ynne da em 32 ngut kiwa da yap wa palat 2,500 ngut kiwa mynsoo yow pyrchah yei pynkrehkaam ya ka 30% ka bhah kreh sorkar iwa booh kyrpang neibynta ki khon kiwa yaleh laitlooid ya ka ri.

Neiliang ka Prime Minister ka Sheikh Hasina ynnin ka sngi da tyrwa ko yei yasuk deiwa klam ha TV tangwa kiwa yakhih da lai thang ki ya laad pathai khubor ka sorkar.

Kiwa yap da antaad wa da ye ki wow em hadooh 39 ngut heiwa ynnin ki pulit da siat ki da ki kuli jri wa ki Tear Gas wei kiwa boon ki Metro Station ha Dhaka leh da man ki kiwa khang.

Ka sorkar da khang ko leh ya ka Mobile Internet ha kani ka tayaaw hadien wa kiwa yakhih da khut ki ya waroh wow mih chakhmat.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

I lai i wan ha Dhaka da man i iwa chitom bha wa da khang ya kiwa boon ki luti.

Kam wow pynkynmoo wa kani ka yakhih da sdang ko nadooh ka 1 tarik uni u bnai wei kiwa boon kiwa na baar ri kiwa kamjooh kiwa na Meghalaya da yoh ki wow mih napoh Bangladesh.