Ka chnong Chyrmang Wah Dong Iapmuh da chong ko hei doom khlem bordiñ da palat san bnai chiteiñ katkam i pyntip u President yong ka RJYF Chyrmang Unit u Yoobiang Shylla deiwa ong leh wa neiliang yong ka MEPDCL da dep lai chim ki ya u Tranformer wa da sih tangwa ym em de wan booh da uwa thymme.
Neiliang yong kiwa chong chnong da jooh lai ood lai naam ki cha ka yung krehkaam yong ka MEPDCL kawa em ha Jowai yow yachem wa u DSO uwa toh u pait ya kani ka thaaiñ uwa da kular leh wow wan booh noh ya u Transformer wa thymme tangwa hadooh kattæ ym em leh ya ini.
Kamtæ neiliang yong ka seiñ da kyrpaad ko ya ki bor wa toh u pait ya kani ka chnat wow sñiawbha wow li booh smat ya uni Transformer wa thymme khnang wa kiwa chong chnong u suk ki neibhah ha kam kini ki por wa kiwa dang lai puræ da leh ki yaka Online Class wei lada ym em bordiñ neiwon u ye ki wow pyndap yaki Battery Phone yow chong Class, pynkut ka kyrwoh na u Secretary yong ka RJYF Shyrmang Unit u Rimiyoo Shylla.
