La 5 sngi kiwa dang yoh COVID-19 ha India da em ki palat 2 lak ngut heiwa ha kini ki 24 kynta da em ki 2,73,810 ngut kiwa dang yoh iwa man leh iwa boon dooh kiwa dang yoh ha ka chi sngi. Kiwa dang chait da em ki 1,44,178 ngut, kiwa dang yap da em ki 1,619 ngut iwa mut wa kiwa dang em ya uni u khñiang da ku ki da 1,28,013 ngut.
80% na kiwa dang yoh toh kiwa em ha ki 10 tylli ki jylla kiwa boon dooh ha Maharashtra 68,631 ngut, Uttar Pradesh 30,566 ngut, Delhi 25,462 ngut, Karnataka 19,067 ngut, Kerala 18,257 ngut, Chhattisgarh 12,345 ngut, Madhya Pradesh 12,248 ngut, Tamil Nadu 10,723 ngut, Gujarat 10,340 ngut wa ha Rajasthan 10,262 ngut.
63% na kiwa dang em ya uni u khñiang toh kiwa em ha ki 5 tylli ki jylla kitæ ha Maharashtra (34.83%), Uttar Pradesh (9.92%), Karnataka (6.92%), Chhattisgarh (6.64%) wa ha Kerala (4.87%).
I em kiwa dang em ya uni u khñiang hapoh India kattæ man i iwa boon dooh kiwa em palat 19 lak ngut heiwa chwa ini iwa boon dooh toh 10,17,754 ngut iwa haka 18-09-20, heiwa hadien ini da hiar suki suki hadooh wa em kamwa 1.35 lak ngut donhi.
Waroh kiwa da chait da em ki 86.00% kiwa em 1,29,53,821 ngut, kiwa dang em ya uni u khñiang da em ki 12.81% kiwa em 19,29,329 ngut, kiwa yap 1.19% kiwa em 1,78,769 ngut, deilang dapoi 1,50,61,919 ngut kiwa da dep yoh.
Heiyatoh wa i e dawai yada COVID-19 hapoh ka ri, da dep wow e la 12,38,52,566 sien heiwa ynnin da e 12,30,007 sien.
