U montri i chait i khiah ka jylla Assam u Himanta Biswa Sarma da pyntip u wa waroh kiwa dang yoh COVID-19 ha Assam ynne ka sngi da em ki 147 ngut.
Nyngkong hei step da pynbna u nyngkong wa da em 74 ngut wa yoh wei dep neitæ da em sa 73 ngut kiwi wa yoh.
Na kini, 16 ngut toh kiwa na Karimganj, 8 ngut na Lakhimpur, 8 na Guwahati, 5 ngut na Cachar, 4 ngut na Hailakandi, 3 ngut na South Salmara, 2 ngut na Nalbari wa mar uwi na Morigaon wa Goalpara.
Hadien ini da pynbna u wa da em sa 12 ngut kiwa yoh COVID-19 kiwa 9 ngut na Lakhimpur wa 3 ngut na Sivasagar.
Da em leh sa 13 ngut kiwa yoh kiwa 7 ngut na Kamrup Metro wa 6 ngut na Golaghat.
Kini waroh toh kiwa da em chwa hapoh Quarantine.
Da pyntip u leh wa ynne ka sngi da em 5 ngut kiwa chait kiwa da yoh u mih Hospital, heiwa 3 ngut toh kiwa na Guwahati wa 2 ngut na Jorhat Medical College.
Wa kini waroh kiwa chah ktah ha u COVID-19 ha Assam da em ki 539 ngut heiwa 62 ngut toh kiwa da chait, 470 ngut kiwa dang chah ktah (Active Case), 4 ngut kiwa yap wa 3 ngut kiwa da yoh u mih napoh ka jylla.
Discussion about this post