La 56 ngut wa yap wei 142 ngut wa dang wiar ha Sikkim

Hadooh ynne da em 56 ngut kiwa yap wei dang em sa 142 ngut kiwa wiar ha i chlai um ha Sikkim heiwa da pra leh ka Chungthang Dam wa em ha North Sikkim iwa da jia hei step synyaaw ka 4 tarik hadien wa u slap wa joor syndet da hiar u ha Lhonak Lake iwa da wanrah ya ka um wa heh wa poi cha kani ka Dam.

Ka Dam wa da pra toh ka Teesta Stage III Dam neidaw wym ye u wai ya ka Gate heipor wa biang yow lait ka um u lai heiwa kani da dam da pra ko phrai du hapoh kattu kani minit dohi wei kani ka um da pynku ko ya ka wah Teesta da kamwa 20 phut.

Neiliang u Montri Rangbah ka Sikkim, u Prem Singh Tamang da ong u wa kani ka Dam da pra ko toh neidaw wym biang i chna ya ka wei ki luti syngkieñ yow poi cha North Sikkim toh kiwa da sih lut.

Na ki metyap wa da chem, 27 tylli da yoh na ka wah Teesta ha ki bynta ka West Bengal ha kini ki le sngi.

Related posts

Rs. 20,000 yoh uwa jop yei yakob jied klong Plastic

October 20, 2024

Chah tymmoh ka wah Yamuna da i tyrthoo

October 20, 2024

8 tylli ki metyap toh ki yong ki chipai ka Indian Army wei dang thooh ya 14 ngut kiwi kiwa da chah rah ha ka um deilang wa ki kari wa lai luti ki wei da em leh ki metyap kiwa ym pu tipmit katwa kiwa dang wiar da em ki 142 ngut.

Waroh ki yingkieñ chawah ka Teesta-V Hydropower Station da chah tlep ki wei da chah rong ki ha ka um ha North Sikkim.

Neiliang ka sorkar da chimkhia ko leh wow chna ya u sarok cha Chungthang, katwa na Naga cha Toong daw chna mar ya poi ki kor wow kreh sarok.

Ka sorkar Sikkim da pynbna ko leh ya ka song yarap poisa wa Rs. 4 lak cha ki manyung kiwa da khlaad ha ini i jia.